xizmat koʻrsatish sifati

хизмат кўрсатиш сифати

1. ингл: quality of service (QoS) рус: качество обслуживания 1 Фойдаланувчига тақдим қилинган хизматлардан унинг қониқиш даражасининг йиғма тавсифномаси. Хизмат кўрсатиш сифати унинг жиҳатлари мажмуи билан тавсифланиб, қўшимча хизматлар билан таъминланганлиги, таъсирчанлиги, хизматларнинг тўлалиги ва бошқа ҳар бир телекоммуникациялар (хизматлар, вазифалар) турига хос бўлган факторлар билан белгиланади. 2 Телекоммуникациялар тизимининг, узатилаётган маълумотларнинг турига қараб, хизматларнинг у ёки бу сифатини таъминлаш қобилияти. Яъни, тармоқнинг ички ресурслари шундай тақсимлансинки, маълумотлар аниқ вазифасига мос, тез ва ишончли узатилиши мумкин бўлсин. Масалан, телекоммуникациялар тармоғи бўйича товуш ёки тасвир узатишда бундай пакетларни ҳаракатлантириш биринчилигини таъминлаш зарур. Шу билан бирга ахборотни йўқотмасдан, қабул қилаётган томонда тасвир кадридаги “тушиб қолиш” ёки суҳбатдош овозининг узилиб қолишига йўл қўймай узатиш лозим.