ХИМИЧЕСКОЕ ОБЕЗВОЖИВАНИЕ НЕФТИ

ХИМИЧЕСКОЕ ОБЕЗВОЖИВАНИЕ НЕФТИ

1. Нефтни кимёвий сувсизлантириш — эмульсияни кимёвий реагентлар ёрдамида ажратиш. Н.к.с. самарадорлиги маълум даражада қўлланилаётган реагентга боғлиқ. Самарали реагентни танлаш, ўз ўрнида сақланаётган нефтни сувсизлантириш сувли эмульсиянинг кўриниши ва нефтнинг хусусиятларига боғлиқ. Реагент-деэмульгаторлар ҳар бир конкрет ҳолда махсус лаборатория ва саноат тадқиқотлари асосида танланади. Н.к.с. нефтни сувсизлантиришнинг мужассамлашган усуллари сингари, нефтга сувли эмульсия реагенти билан таъсир этилгандан кейин гравитацион тиндиришни ўз ичига олади. Сувсизлантирилаётган эмульсияга реагент-деэмульгатор қўшиб аралаштирилади, сўнгра нефтдан сув маълум шароитларда тиндириш йўли билан ажратилади. Н.к.с.нинг учта асосий усули бор: — деэмульсацияга асосланган сувсизлантиришнинг нефть қудуғида қўллаш («қудуқ ичидаги деэмульсация»). Бу усулда реагент қудуқда қўшилади; — нефть йиғув қувур узатгичларида амалга ошириладиган деэмульсацияга асосланган, сувсизлантириш (йўлакай, оралиқ деэмульсация). Реагент нефть йиғув коллекторининг бошланғич участкасида қўшилади; — деэмульсация ва нефтни сувсизлантириш тиндиригич резервуарларнинг ўзида, улар эмульсия билан тўлдирилгандан кейин реагент қўшиб амалга оширилади. Булардан биринчи икки усул бир қатор устунликка эга ва самарали. Ҳозир Ўзбекистон нефть саноатида М.Л.Реапон (Россия), Диссольван (Клориант, олдинги хехст, ФРГ), Сепарол (Басф, ФРГ), Акванокс (Бейкер Хьюз, Буюкбритания), R-11 (Тохо кемикол, Япония) ва ш.к. реагентлар сувсизлантиришда кенг қўлланилади.