Ахборот-коммуникация технологиялари изоҳли луғати
-
ингл: message switching рус: коммутация сообщений Иккиламчи тармоқнинг станциясида ёки боғламасида бажариладиган амаллар мажмуи. У хабарни тўла қабул қилиш, уни йиғиш ва уни манзил аломатига монанд узатишдан иборат. Хабарларни коммутациялаш протоколларининг етти поғонали шажарасини ҳисобга олиб, хабарларни тармоқ орқали, уларни коммутация боғламаларида оралиқ йиғиш, сақлаш ва ажратиш амалларини бажариб узатишни таъминлайди. Бунда, ҳар бир боғлама хабарни қисмлар бўйича қабул қилади, уни йиғади, хотирага ёзади, хабарда хатолар борлигини текширади ва шундан сўнг, кейинги боғламага (қисмларга ажратиб) узатиб юборади. Катта хотирага эҳтиёж ва маълумотларнинг нисбатан секин узатилиши бунинг камчилигидир. Бу ҳол кўп тармоқларда хабарларни коммутациялашни бошқа коммутация турлари билан алмаштирилишига олиб келди.
Мақоладаги хато ҳақида хабар бериш
