Ахборот-коммуникация технологиялари изоҳли луғати
-
ингл: message hashing function рус: хеш-функция сообщения Қиймати кириш кетма-кетлигининг, яъни, иккилик саноқ тизимида берилган хешловчи соннинг ҳар бир битига ёки хешловчи дастлабки матннинг ҳар бир рамзига боғлиқ бўлган функция. Хешлар алгоритми кириш матнидан бир хил узунликда натижа чиқаради. Бунда узунлик деганда, иккилик саноқ тизимида берилган ифодадаги битлар сони назарда тутилади. Масалан, кириш матни “АКТ луғати” бўлса ва хеш-функция қиймати “10110111010100101”га тенг чиқса, хеш-функция қиймати узунлиги 17 битга тенг бўлади. Чиқиш узунлиги 128, 192, 256 бит бўлган хеш-функциялар ҳам мавжуд. Хеш-функция самарали бўлиши учун кириш хабари учун натижа ноёб бўлиши лозим. Одатда, хеш-функциялар бир томонли функциялардир. Чунки, чиқиш қиймати асосида дастлабки матнни ҳисоблаб топиш жуда қийин. Хеш-функциялар ахборот узатиш ва сақлашда унинг хавфсизлигини муҳофаза қилиш учун қўлланилади.
Мақоладаги хато ҳақида хабар бериш
