ВСКРЫТИЕ ПРОДУКТИВНЫХ ПЛАСТОВ

ВСКРЫТИЕ ПРОДУКТИВНЫХ ПЛАСТОВ

1. Маҳсулдор қатламларни очиш — ўзида нефть ва газларни сақловчи қатламларни бурғилаб очиш. М.қ.о. методлари қатлам босимига, қатламнинг нефтга тўйинганлик даражасига, дренажланиш имкониятига ва бошқаларга боғлиқ ҳолда қуйидагича бўлиши мумкин. 1. Қудуқ маҳсулдор қатламнинг юқори чегарасигача бурғиланади, унга оралиқ қувурлари бирикмаси туширилади ва цементланади. Сўнг маҳсулдор қатлам бурғиланади ва қудуққа сизгич ёки хвостовик туширилади. Бундай ҳолда оралиқ қувурлари бирикмаси ИҚБ вазифасини ўтайди. Агар маҳсулдор қатлам турғун жинслардан таркиб топган бўлса, сизгич туширмаса ҳам бўлади. Бу метод разведка қудуқларини қазишда қўлланилади. 2. Қудуқ маҳсулдор горизонтни тўлалигича очади ва унга ИҚБ сизгич билан туширилади, манжетли усул ёрдамида нефтли қатлам шипидан юқориси цементланади. Бундай метод паст босимли қатламларни очишда ишлатилади. 3. Қудуқ маҳсулдор горизонтни бутунлай очади ва унга ИҚБ туширилади, қудуқ тубидан бошлаб цементланади. Сўнг, МҚБ маҳсулдор горизонт қаршисида тешилади, нефть-газнинг қудуққа кириб келишига йўл очилади. Бу метод юқори босимли қатламларни очишда қўлланилади.