Psixologiya terminlarining izohli lugʻati
-
хаёл; мавжуд тасаввурларимизга асосланиб, аввал идрок қилинмаган, турмуш тажрибамизда учрамаган нарса ва ҳодисаларнинг образларини яратишдан иборат бўлган онг фаолияти. Мас., биз тропик ўрмонларни кўрмаган бўлсак-да, айрим дарахт ҳақидаги, ўрмон ҳақидаги тасаввурларимизга, тропик ўрмонларнинг ёзма ва оғзаки тасвирига асосланиб, уларнинг образини онгимизда яратамиз. Хаёлнинг бошқа психик ҳодисалардан яна бир фарқи шундан иборатки, у ҳозирги замоннигина эмас, балки ўтмишни ва келажакни ҳам акс эттира олади. Х. нинг асосий манбаи шахснинг эҳтиёжидир: қондирилмаган муҳтожлик кишини хаёл суришга, яъни эҳтиёж объектларининг образларини яратишга мажбур қилади. Х. нинг физиологик асоси бош мия ярим шарлари қобиғидаги мавжуд муваққат нерв боғланишлари асосида янги нерв боғланишларининг ҳосил бўлишидир.
Maqoladagi xato haqida xabar berish
