ВОДООТДАЧА — Сув берувчанлик

ВОДООТДАЧА — Сув берувчанлик

1. тўла нам сиғимигача тўйинган тоғ жинсидан оғирлик кучи таъсирида эркин оқиб чиқаётган сув ҳажми (литрда). Тоғ жинсининг С.б. қобилияти гравитацион С.б. билан тавсифланади, ўнлик бирликларда ёки фоизда ифодаланиб қуйидаги формула ёрдамида аниқланади: $\mu_c = W_{т.н} - W_{м.с}$, бунда $\mu_c$ — С.б. коэффициенти, %; $W_{т.н}$ — тўла нам сиғими, %; $W_{м.с}$ — максимал молекуляр нам сиғими, %. Тог жинсларининг С.б.ги лаборатория усуллари, режим кузатуви ва тажрибавий сув чиқариш маълумотларига асосланиб аниқланади. Лаборатория усуллари қумларнинг С.б. гини аниқлашда қўлланилади. Режим кузатувлари маълумотларидан фойдаланиб С.б. қуйидаги формула орқали аниқланади: $\mu_c = \frac{Q_e \cdot t}{\Delta V}$ бунда $Q_e$ — грунт суви горизонтининг бўшалиш зонасидан t вақт давомида оқиб чиқадиган сув оқимининг ўртача сарфи; $\Delta V$ — шу вақт давомида дренажланган қатлам ҳажми. Тажрибавий сув чиқариш чоғида кузатув қудуқларида сув сатҳининг пасайиши маълумотларига асосланиб, С.б. қуйидаги формула орқали топилади: $\mu_c = \beta \frac{Q \cdot t}{r_1^2 (S_1 - S_2)}$ бунда $\beta = 0,824 (\frac{r_2}{r_1})^{2 \frac{S_1}{S_1 - S_2}} \cdot \lg \frac{r_2}{r_1}$; Q — марказий қудуқ сарфи, м³/сутка; t — сув чиқариш муддати, сутка; $r_1$ ва $r_2$ — марказий қудуқдан кузатув қудуғигача бўлган масофа, м; $S_1$ ва $S_2$ — кузатув қудуқларидаги сув сатҳи, м.