Adabiyotshunoslik terminlarining izohli lugʻati
-
— вертеп. XIV асрнинг охирларида Украина, Белоруссия ва Россиянинг айрим областларида мавжуд бўлган қўғирчоқ театрларининг номи. Бундай қўғирчоқ театрлари бир томони очиқ, икки қаватли қути шаклида бўлиб, юқори саҳнада диний, библия (қ.) мазмунидаги драмалар, қуйи саҳнада интермедиялар ўйналган. XIX асрга келиб вертепларда асосий саҳна иштирокчилари — қўғирчоқлар ўрнини ҳақиқий актёрлар эгаллаган. Вертеплар халқ оғзаки драмаларининг шаклланишига жуда кучли таъсир кўрсатган. Халқ театрлари вертеплар репертуаридаги деярли барча интермедияларни ўзлаштириб олган. Вертепларда ижро этилган саҳна асарлари ҳам шу ном билан юритилган. Масалан, «Дон казаги ва савдогар» вертепи, «Наполеон ва мужик» вертепи каби.
Maqoladagi xato haqida xabar berish
