Favqulodda vaziyatlar lugʻati
-
(юнонча panikos – афсоналарга кўра одамлар кўнглига босиб бўлмайдиган даҳшат солган қадимги юнон худоси Пан номидан) – ҳақиқий ёки хаёлий хавф таъсирида бошланадиган ва кучли саросима, шароитга ақл билан ва тўғри баҳо бериш ҳамда шароитга қараб мақсадга мувофиқ ҳаракат қилиш қобилиятининг йўқотилиши билан белгиланадиган алоҳида инсон, одамлар гуруҳи ёки омманинг руҳий ҳолати. В. хавф (аниқ ёки хаёлий)дан оммавий қочиш, маънавий-руҳий ҳолат ва жанговар кайфиятнинг тушиб кетиши, айримда онгнинг тўла ўчиши, ҳиссий зўриқишнинг ошиши, онгсиз равишда кўпчиликка эргашиш ва тақлид қилиш, эргашиш ва ишониш механизмларининг фаоллашуви, тартибсиз ҳаракатчанлик билан ифодаланади. Оммавий қирғин қуроллари ёки табиий ёки техноген хусусиятли фавқулодда вазиятларнинг шикастловчи омиллари таъсирида юзага келиши мумкин. В. нинг олдини олишда фавқулодда вазиятларни бартараф этишда иштирок этадиган тузилмалар ва аҳолининг ўзини юқори маънавий-руҳий тайёрлаш ҳал қилувчи шарт ҳисобланади.
Maqoladagi xato haqida xabar berish
