ВЫБИВНАЯ БАБА — Урувчи тўқмоқ
VЫBIVNAYA BABA — Uruvchi toʻqmoqВЫБИВНАЯ БАБА — Урувчи тўқмоқ
- қудуқда қисилиб қолган бурғилаш қувурларини уриб чиқаришга мўлжалланган. У.т. оғирлиги 50 ёки 100 кг. У.т. қисилиб қолган ускунанинг юқори қисмидаги қувурга кийгазилади. Қувурга юқоридан тиқин бураб киргизилади, қувурнинг 1,5—2 м пастроғига шарнирли қисқич қотирилади ёки қувурлар бирикмасига пастки тиқин киргазилади. Тўқмоқ кронблок ролики орқали ўтувчи канатга осиб қўйилади. Канатнинг иккинчи учи горизонтал жойлашган қувурга қотирилади. Тўқмоқ зарбаси канатни қўлда тортиш-бўшатиш орқали ҳосил қилинади. У.т.ни ишга туширишдан аввал БҚБ таранглаштирилади. Агар ускуна қудуқ тубидан юқорироқда қисилган бўлса, у юқорига ва пастга урилади, бунда тушаётган тўқмоқ зарбаси юқоридаги ва пастдаги тиқин ёки қисқичга тўғри келиши зарур.