УРТАБУЛАКСКОЕ ГАЗОКОНДЕНСАТНОЕ МЕСТОРОЖДЕНИЕ

УРТАБУЛАКСКОЕ ГАЗОКОНДЕНСАТНОЕ МЕСТОРОЖДЕНИЕ

1. Ўртабулоқ газконденсат кони — Қашқадарё вилояти Баҳористон тумани ҳудудида жойлашган. Конга энг яқин йирик аҳоли яшайдиган жой Муборак шаҳри бўлиб, кондан шарқ томонда 80 км масофада жойлашган. Кон билан Муборак шаҳри орасида асфальтланган йўл мавжуд. Кон кескин континенталь иқлим шароитида жойлашган бўлиб, ёзнинг энг иссиқ ойларида (июнь, июль) ҳарорат +40 + 45°С гача ва қишнинг энг совуқ ойларида (декабрь, январь) —10—15°С гача етади. Табиий сув ҳавзалари кон ҳудуди атрофида йўқ, лекин Қашқадарё ва Бухоро вилоятларида ерни ювиш натижасида оқиб келган оқава сувлар кон яқинидаги ботиқликка йиғилиб Денгизкўл кўлини ҳосил қилган. Кон ҳудуди чўл зоналарига мансуб бўлиб, қум барханлари, чўлларга хос ўсимликлар ва буталар ҳамда саксовулзорлардан иборат. Ҳудудда нефть ва газдан бошқа табиий бойликлар йўқ. Ў.г.к.нинг геологик кесимида мезокайнозой ётқизиқлари иштирок этиб, газлилик карбонат ётқизиқларининг юқори юра мажмуасига мансуб. Литологик таркибига кўра юра ётқизиқлари уч катта мажмуадан иборат: терриген, карбонат ва тузангидрит. Карбонат формацияси икки турдаги: рифли ва рифсиз кесимдан иборат. Рифли комплекс ва