УПРАВЛЕНИЕ ДВИЖЕНИЕМ КОНТУРНЫХ ВОД

УПРАВЛЕНИЕ ДВИЖЕНИЕМ КОНТУРНЫХ ВОД

1. Чегара ичи сувлари ҳаракатини бошқариш — сувланиш натижасида нефтни қатламлар ичида қолиб кетишини камайтириш учун ишлаб чиқиладиган тадбир. Бунинг учун чегара ичи сувлари ҳаракатини бошқариш лозим бўлади, бу жараён нефть ва газ конларини ишлатишнинг мўътадил системасини ишлаб чиқиш билан амалга оширилади. Система қуйидаги тадбирларни ўз ичига олади: 1. Сув босимли режимда ишлатилаётган қатламдан чиқаётган нефть сарфи бир маромда бўлиши, яъни нефть қатлам босимининг мумкин бўлган депрессиясида олиниши лозим. Қатламни газ босимли режимда ишлатиш газ қалпоғидаги газ ва ер ости сувларининг босимлари нисбатига, яъни ишлатиш бошлангунча бўлган нисбатга риоя қилган ҳолда бўлиши керак. 2. Конларни ишлатишнинг бошланғич босқичида (фавворали даврида) чегара ичи сувларининг сувланиш тилини ва остки сувлар конусини ҳосил бўлишининг олдини олиш учун қатламдан суюқлик чегараланган миқдорда бир меъёрда олиниши лозим. 3. Ишлатишнинг охирги босқичида (насосли даврида) коннинг кўп қисми сувланган бўлади, шу сабабли ундан нефть ва сув жуда кўп миқдорда олинади. Бунда қатлам сувлари унинг айрим жойларида сувланиш тили ва конуслари билан ажратиб юборилган нефтни илаштириб олиб чиқади. 4. Чегара ичи сувлари ҳисобига ҳосил бўлган сувланиш тилини йўқотиш учун махсус қазилган қудуқлардан ер ости сувлари тортиб чиқарилади, бунда сувланган нефть қудуғидан сувланиш тили узилади ва қудуққа нефть оқимининг келиши кучаяди. Қ. управление движением подошвенных вод.