Upgrade

Upgrade

1. 1 Kompyuter yoki kompyuter qurilmasini, masalan, protsessorni kuchliroqqa almashtirish, tezkor xotira hajmini oshirish va h.k. tufayli yangilash. 2 Dasturni keyingi versiyaga yangilash. Kompyuter dasturlarini ishlab chiqaruvchilar yangi versiya chiqishida nafaqat toʻliq yangi oʻrnatish paketini, balki avvalgi versiyalar foydalanuvchilari ishlatishi mumkin boʻlgan yangilash paketlarini ham ishlab chiqaradi. Yangilash paketining hajmi odatda kamroq boʻladi, chunki uning ichiga faqat oʻzgartirish yoki qoʻshish lozim boʻlgan fayllar kirib, koʻpgina fayllar eski nusxadan olinadi (toʻliq paketga ushbu fayllar ham yoziladi). Dastur pullik boʻlsa, yangilash toʻliq paketga qaraganda arzonroqdir. Dastur bepul boʻlsa va yangilash Internet orqali amalga oshirilsa, yangilash kamroq vaqt talab qilishi bois uni yuklab olish uchun kamroq vaqt ketadi.