Axborot-kommunikatsiya texnologiyalari izohli lugʻati
-
ингл: world wide web (WWW) рус: всемирная паутина Интернетдаги ресурсларни излаш ва улардан фойдаланиш учун гиперматн тизими. УЎТ ушбу тармоқдаги компьютерларда сақланаётган барча маълумотларни, уларни боғловчи гипермурожаатлар тизими орқали кўриб чиқиш имконини яратувчи Интернет хизматлари мажмуини тақдим этади. УЎТнинг аппарат таъминоти асосини бутун дунёда жойлашган ва Интернетда бирлашган кўплаб компьютерлар ташкил этади. УЎТнинг ахборот асосини веб-ҳужжатлар деб аталган, ушбу компьютерлар хотирасида сақланаётган гиперматнга асосланган ҳужжатлар ташкил этади. Веб-ҳужжатлардаги ишоратлар орқали фойдаланувчи бошқа ҳужжатларга ўтиши мумкин. УЎТ Интернетдаги компьютерлар файллар ва ҳужжатларни узатиш протоколларидан фойдаланганлиги сабабли, ушбу атама одатда умумжаҳон компьютерлар тармоғини ҳам, ахборотнинг ўзини ҳам билдиради. Веб-ҳужжатлардан фойдаланиш мижоз-сервер архитектураси асосида амалга оширилади. Сервердан ҳужжатни олиш учун унинг ҳаммабоп ресурс кўрсаткичи (қ: URL) деб аталадиган тармоқдаги манзили қўлланилади. УЎТ мижоз ва серверлари ўзаро мулоқотда бўлган тил ва қоидалар гиперматнли ахборот узатиш протоколи (HTTP, қ: гиперматнли ахборот узатиш протоколи) томонидан белгиланади. HTTP матн, тасвир, товушларга эга гипермедиа маълумотларини сўраш, қабул қилиш ва акс эттириш имконини беради.
Maqoladagi xato haqida xabar berish
