UMNOJITEL FOTOELEKTRONNЫY — Fotoelektron koʻpaytirgich

УМНОЖИТЕЛЬ ФОТОЭЛЕКТРОННЫЙ — Фотоэлектрон кўпайтиргич

1. сцинтилляцион ҳисоблагичнинг асосий қисми. Кичик жадалликка эга ёруғлик оқимларини қайд қилувчи, фотокатод, тезлатувчи электродлар — диодлар ва анод электродларидан ташкил топган. Электрон-оптик қурилмада диодларнинг сони 8—14 тагача. Диаметри 31—48 мм, узунлиги 113—200 мм бўлган Ф.к.лар амалиётда қўлланилади. Ф.к.да электродларга кучланиш бериш натижасида сцинтилляторда нурланиш туфайли ҳосил бўлган фотон фотокатодга етиб боради ва ундан электронларни уриб чиқаради. Электронлар фотокатод ва биринчи диод орасидаги майдонда кучланиб, биринчи диоддан анча кўп иккиламчи электронларни уриб чиқаради. Жараён кейинги диодларда қайтарилиш натижасида анодга электронлар оқими келиб тушади ва Ф.к.нинг чиқишида кучланиш импульси ҳосил бўлади. Бу импульсларнинг сони ўлчанаётган гамма-нурларнинг жадаллигига боғлиқ. Ф.к. сцинтилляцион ҳисоблагичларда фойдаланилади (қ. Счетчик сцинтилляционный). ФЭУ-19М, ФЭУ-25, ФЭУ-29, ФЭУ-35 Ф.к. ишлаб чиқаришда кенг қўлланилади.