УДЕЛЬНАЯ ПОВЕРХНОСТЬ ПОРОГОВОГО ПРОСТРАНСТВА

УДЕЛЬНАЯ ПОВЕРХНОСТЬ ПОРОГОВОГО ПРОСТРАНСТВА

1. Ғовакли муҳитнинг солиштирма юзаси — коллекторнинг суюқлик тутиб қолиш қобилияти. Жуда майда заррали жинслардан тузилган коллекторнинг фаол юзаси катта бўлса, унинг флюид бериш қобилияти (нефть бера олиш коэффициенти) пасаяди. Агар юза майдони кичик бўлса (мас., конгломератларда) коллекторнинг тўпланган нефть (газ)ни тутиб қолиш қобилияти камаяди, айниқса, қатлам сувининг гидродинамик таъсирига чидамлиги пасаяди. Қумтошли коллекторларнинг солиштирма юзаси (см²/см³ да) қуйидаги формула орқали баҳоланади: $S_y = \frac{6\gamma}{y\Delta} \cdot \sum \frac{m_i}{d}$, бунда: $\gamma$ — жинснинг ҳажм массаси, г/см³; $\Delta$ — жинс зарралари зичлиги, г/см³; $m_i$ — жинс фракциясининг массаси, г; $d$ — заррачалар диаметри, см да. Диаметри 0,25 мм, бир хил заррачалардан таркиб топган, зич жойлашган (ғоваклилиги 25,9%) коллекторларнинг солиштирма юзаси 177,6 см²/см³ га тенг бўлади. Солиштирма юза қуйидаги икки — Козени ва адсорбция усуллари билан аниқланади. 1. Козени усули бўйича суюқликнинг оқиш тезлигини ўрганиш ўтказувчанликнинг солиштирма юза билан боғлиқлигига асосланган: $S_y = C\sqrt{\frac{m^3}{R}}$, бунда m — ғоваклилик; R — ўтказувчанлик; С — 4500 (алевролитлар учун) дан 7700 (ўрта заррали қумтошлар учун) гача ўзгарувчан коэффициент (А.А.Ханин, 1962). 2. Паст температурали адсорбция усули газнинг суюлиш температурасига яқин паст босим ва температурада жинснинг инерт газни (азот, аргон) адсорбциясига асосланган. Бу усул бўйича аниқланган қумтош — алевролитли жинсларнинг солиштирма юзаси 0,04 дан 10 м²/г гача ўзгаради.