УДЕЛЬНЫЙ ВЕС ЖИДКОСТИ

Суюқликнинг солиштирма оғирлиги — 1см³, 1м³ ҳажмдаги суюқлик оғирлиги. У γ (гамма) ҳарфи билан белгиланади ва қуйидагича аниқланади: γ = G/V, бунда: G — V ҳажмдаги суюқлик оғирлиги. С.с.о. ўлчови [γ] = |P|/[L³]. Солиштирма оғирликнинг ўлчов бирлиги СИ системасида γ_и = H/м³; физик системада, γ_ф = длина/см³; техник системада γ_т = кгс/м³. Солиштирма оғирлик турли системалардаги ўлчов бирликларининг ўзаро нисбати: γ_м = 0,1γ_ф = 0,102γ_т. Демак, турли ўлчов системаларидаги солиштирма оғирлик қийматларини ўзаро таққослаш учун қуйидаги нисбат олинади: γ_м = 10·γ_ф = 9,81·γ_т. С.с.о. ва зичлиги ўзаро боғлиқ. Зичлик тенгламасини (ρ = м/В) иккала томонини оғирлик кучи тезланиши (г) га кўпайтирсак, қуйидаги тенглама келиб чиқади: ρg = mg/V = G/V. Тенгламада G/V солиштирма оғирлик эканлигини билган ҳолда γ=ρg деб ёзилади. Солиштирма оғирлик ўзгарувчан миқдор бўлиб, оғирлик кучи тезланишига боғлиқ. Оғирлик кучи тезланиши қиймати эса ўлчов нуқтасининг географик координатасига боғлиқ ҳолда ўзгаради. Амалий ҳисоблаш ишларида тезланиш миқдори ўзгармас деб олинади g=981см/с². Шу сабабли ушбу тезланишга мос келувчи солиштирма оғирликнинг ўртача қийматидан фойдаланилади. Зичлик ва солиштирма оғирликнинг турли ўлчов системаларидаги ўзаро нисбатига эътибор берсак, техник системадаги солиштирма оғирликнинг ўртача қийматини (g=981см/с² бўлганда) халқаро СИ системасидаги зичлик қийматига мос келишини кўрамиз.