Творческая фантазия
ruschaТворческая фантазия
- ижодий фантазия. Ижодкорларга хос тафаккур қилиш ҳодисаси. Бадиий адабиётда ижодий фантазиянинг роли жуда катта. Чинакам ижодкор ижодий фантазия туфайли ўқувчини ҳақиқатда бўлмаган, аммо рўй бериши мумкин бўлган воқеаларга ишонтира олади. Ёзувчининг ижодий фантазияси қанчалик кучли бўлса, у шунчалик бадиий юксак асарлар яратади. Аслида фантазия қилиш қобилияти ҳар бир кишида бўлади. Аммо салбий фантазия хом хаёл туғдиради, холос. Дунёдаги ҳар бир халқда ижодий фантазия туфайли яратилган ўлмас бадиий асарлар мавжуд. Ўзбек халқ эртакларидаги учар гилам, ёрилтош халқ ижодий фантазиясининг маҳсулидир. Ижодий фантазияда ижодкорнинг орзу-умиди, талантининг даражаси ўз ифодасини топади.