{"headword": "Творческая индивидуальность писателя", "key": "tvorcheskaya individualnost pisatelya", "entries": [{"dictionary": {"name": "Adabiyotshunoslik terminlarining izohli lugʻati", "title": "Адабиётшунослик терминларининг русча-ўзбекча изоҳли луғати", "kind": "Terminologik", "imprint": "Хотамов, Н.; Саримсоқов, Б. (1979). Адабиётшунослик терминларининг русча-ўзбекча изоҳли луғати. Tashkent: Ўқитувчи.", "url": "https://dev.til.uz/lugatlar/adabiyotshunoslik-terminlarining-ruscha-ozbekcha-izohli-lugati/", "page": "299"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "Sanʼatkor va mutafakkirning oʻzaro farqini ulugʻ rus tanqidchisi V. G. Belinskiy gʻoyat ravshan belgilab, olim mantiqiy xulosalar orqali fikr yuritsa, sanʼatkor obrazlar orqali mushohada qiladi, deb taʼkidlagan edi. Agar olim tabiat yoki jamiyatning obyektiv qonuniyatlarini oʻrgansa, sanʼatkor, yozuvchi insonning ruhiy dunyosini kashf etadi. Yozuvchining xarakteriga xos biror xislat u yaratgan har bir obrazda albatta oʻz ifodasini topadi. Natijada, badiiy adabiyotda Don Kixot, Gamlet, Yevgeniy Onegin, Iudushka, Golovlev kabi bir-biriga oʻxshamagan genial obrazlar yaratildi. Yozuvchining ijodiy individualligi tushunchasi tor maʼnoda biror ijodkorning oʻzigagina xos sifatlarni ifodalaydi. Ijodkor zamon qonuniyatlaridan butunlay ajralib ketolmaydi, shuning uchun uning asarlarida davr qahramonlari faoliyati, ularning xarakteri maʼlum darajada oʻz ifodasini topadi. Demak, yozuvchining ijodiy individualligi tarixiy tushunchadir. Yozuvchining ijodiy oʻziga xosligi dastlab uygʻonish davri ijodkorlari ijodida yorqin namoyon boʻldi. U klassitsizm va maʼrifatparvarlik davrining boshlanish paytida yoʻqolmagan boʻlsa-da, bu davr nazariyachilarining eʼtibori koʻproq umumiylikka qaratilgan edi. Maʼrifatparvarlik davrining oxiriga kelib sentimentalizm nazariyachilari va vakillari yozuvchining ijodiy individualligiga yanada katta eʼtibor bera boshladilar. Yozuvchining ijodiy individualligi tarixiy boʻlgani kabi, oʻzgaruvchi kategoriya hamdir. Shu nuqtayi nazardan sovet yozuvchisi ijodiy individning yangi tipidir. Uning birinchi ulugʻ vakili proletar yozuvchisi Maksim Gorkiy edi. Sovet voqeligi yozuvchining ijodiy individualligiga xalaqit bermay, aksincha, yanada kamol topishiga keng imkoniyatlar yaratadi.", "examples": []}], "translations": [], "cross_references": [], "extra": {"raw_word": "Творческая индивидуальность писателя", "raw_meaning": "ёзувчининг ижодий индивидуаллиги, ўзига хослиги. Санъаткор ва мутафаккирнинг ўзаро фарқини улуғ рус танқидчиси В. Г. Белинский ғоят равшан белгилаб, олим мантиқий хулосалар орқали фикр юритса, санъаткор образлар орқали мушоҳада қилади, деб таъкидлаган эди. Агар олим табиат ёки жамиятнинг объектив қонуниятларини ўрганса, санъаткор, ёзувчи инсоннинг руҳий дунёсини кашф этади. Ёзувчининг характерига хос бирор хислат у яратган ҳар бир образда албатта ўз ифодасини топади. Натижада, бадиий адабиётда Дон Кихот, Гамлет, Евгений Онегин, Иудушка, Головлев каби бир-бирига ўхшамаган гениал образлар яратилди. Ёзувчининг ижодий индивидуаллиги тушунчаси тор маънода бирор ижодкорнинг ўзигагина хос сифатларни ифодалайди. Ижодкор замон қонуниятларидан бутунлай ажралиб кетолмайди, шунинг учун унинг асарларида давр қаҳрамонлари фаолияти, уларнинг характери маълум даражада ўз ифодасини топади. Демак, ёзувчининг ижодий индивидуаллиги тарихий тушунчадир. Ёзувчининг ижодий ўзига хослиги дастлаб уйғониш даври ижодкорлари ижодида ёрқин намоён бўлди. У классицизм ва маърифатпарварлик даврининг бошланиш пайтида йўқолмаган бўлса-да, бу давр назариячиларининг эътибори кўпроқ умумийликка қаратилган эди. Маърифатпарварлик даврининг охирига келиб сентиментализм назариячилари ва вакиллари ёзувчининг ижодий индивидуаллигига янада катта эътибор бера бошладилар. Ёзувчининг ижодий индивидуаллиги тарихий бўлгани каби, ўзгарувчи категория ҳамдир. Шу нуқтаи назардан совет ёзувчиси ижодий индивиднинг янги типидир. Унинг биринчи улуғ вакили пролетар ёзувчиси Максим Горький эди. Совет воқелиги ёзувчининг ижодий индивидуаллигига халақит бермай, аксинча, янада камол топишига кенг имкониятлар яратади."}}]}