ТЕРМИЧЕСКИЙ КРЕКИНГ – Термик крекинг

ТЕРМИЧЕСКИЙ КРЕКИНГ – Термик крекинг

1. юқори температурада нефть, газ конденсати ва уларнинг фракцияларидаги юқори молекулаларни парчалаб (крекинг қилиб) мотор ёқилғисини олиш усули. Ҳозир нефтни, газ конденсатини қайта ишлашда Т.к.нинг қуйидаги усуллари маълум: 1. Юқори босимда бензин олиш (t= 470—540°С, Р = 40—60 кгс/см²). Бунда лигроиндан гудронгача бўлган хомашё қайта ишланади. Хомашё қанча енгил бўлса, жараён шунча юқори температурада бажарилади. Мас., лигроинни Т.к.и 530—540°С да, керосин — газойлники 500—510°С, мазутники 470°С да. 2. Паст босимли Т.к. Мас., кокс олиш жараёни. Бу жараён 510—550°С температура ва 3 кгс/см² босимда содир бўлади. Сўнгра кокс 550—620°С гача қиздирилиб 2—6% водород ва 60—65% бензин — керосин — газойл фракцияларидан иборат кокс олинади. Т.к.га гудрон, қолдиқ битумлар ва бошқа оғир фракциялар хомашё бўлади. 3. Юқори температура ва паст босимдаги пиролиз. 650—750°С температура ва атмосфера босимига яқин босимда ўтказилиб, газ ва ароматик углеводородлар олинади. 50% гача газ ва 40—60% қатрон (10% бензол, 6% толуол ва ксилоллар, нафталин ҳамда антрацен) ҳосил бўлади.