ТЕРМАЛЬНЫЕ ВОДЫ — Термал сувлар

ТЕРМАЛЬНЫЕ ВОДЫ — Термал сувлар

1. юқори ҳароратга эга бўлган ер ости сувлари. Бундай сувларнинг қуйи чегараси сифатида одам танаси ҳарорати қабул қилинган. Ер ости сувлари ҳароратига кўра қуйидагиларга бўлинади: 37—42°С — термал сувлар; 42—100°С — гипотермал сувлар, 100°С дан юқориси — қизиган сувлар. Нефть ва газ ҳудудларидаги қатлам сувлари Т.с. туркумига киради. Уларнинг миқдори жуда кўп бўлиб иссиқлик манбаи сифатида ишлатилади. Айниқса, ҳозирда вулкан ҳодисалари кўп учрайдиган районлардаги Т.с.и конлари юқори иссиқлик ва энергия қувватига эга. Нефть-газ ҳудудлари (тоғлараро ботиқлик, чекка эгиклик, платформалар)даги қатлам туридаги Т.с.и конларининг ўлчами жуда катта бўлиб, фойдали иссиқлик қуввати уларнинг гидродинамик хусусиятлари билан баҳоланади. Б.Ф.Маврицкий Т.с.ни энергетика манбаи сифатида ўрганиб, унга ҳарорати 20°С дан юқори бўлган сувларни киритади ва Т.с.нинг қуйидаги генетик таснифини ишлаб чиқди (Т.6-жадвал). Геотермик градиенти 3°С/100 м бўлган қатлам туридаги конлар истиқболли ҳисобланади. Ҳарорати 100°С ва ундан юқори бўлган сувлар 2,5—3,0 км чуқурликда учрайди. Гидрогеологик нуқтаи назардан бундай конлар тоғлараро ботиқликда, чекка эгикликларда ва платформаларда учрайди. Бундай жойларда бурғу қудуқлар фаввора бўлиб чиқадиган, солиштирма дебити 0,1 л/с дан кўп,