Adabiyotshunoslik terminlarining izohli lugʻati
-
(лат. tendere — йўналтирмоқ, ҳаракат қилмоқ сўзидан) — тенденциозлик. Бадиий асарнинг ғоявий йўналиши, китобхонни маълум фикр ва туйғулар билан шу ғоявий йўналишга, эътиқодга ишонтиришга интилиш. Салбий маънода ўқувчини бир ёқлама, сохта фикрларга ишонтиришга ҳаракат қилиш. Тенденциозлик асл маъносида чинакам бадиий, юксак ғоявий асарларнинг ажралмас хусусиятидир. Фридрих Энгельс ўз хатларидан бирида тенденциозликни қувватлаб, унга албатта реал воқелик нуқтаи назаридан муносабатда бўлиш кераклигини таъкидлайди. Шиллер асарларини, рус романларини тенденциоз; яъни маълум ғоявий йўналишни изчиллик билан илгари сурувчи асарлар сифатида таъриф қилади. В. И. Ленин Н. Г. Чернышевскийнинг «Нима қилмоқ керак?» романини юксак баҳолаб, ундаги ўткир тенденциозлик ҳаётда муҳим роль ўйнаганини алоҳида қайд этган эди. Лениннинг фикрига кўра, асардаги тенденциозлик юзлаб кишиларни революционер қилиб етиштирди.
Maqoladagi xato haqida xabar berish
