ТЕКТОНИЧЕСКАЯ ВОДА — Тектоник сув

ТЕКТОНИЧЕСКАЯ ВОДА — Тектоник сув

1. нефть-газли горизонтга тектоник бузилишлар орқали бошқа горизонтлардан сирқиб ўтадиган босимли сув. Т.с.лар айрим ҳолларда катта чуқурликлардан келиб чиқади. Бундай сувлар уюмларни ишлаш бошланмасдан олдин нефтни тектоник бузилишлар орқали юқорига суриши мумкин. Уюмни ишлаш ва ишлатиш чоғида эса фойдаланиш қудуқларида юзага келтириладиган депрессия таъсирида улар нефть уюмини сувга бостириши мумкин. Нефть конлари сувларини таснифлашда, айрим тадқиқотчилар, Т.с.ларни ўзга (бегона) сувлар гуруҳига киритадилар, яъни бундай сувлар бошқа қатламларга инсонни инженерлик фаолияти таъсирида кириб қолади деб ҳисоблайдилар. Аммо бундай фикр ҳақиқатга тўғри келмайди. Т.с.лар одатда, нефть конлари чегарасидаги тектоник бузилишлар зонасида учрайди ва бундай зоналарда ковланган бург қудуқларида намоён бўлади. Кўпинча Т.с.лар бир неча горизонтлардан сирқиб чиқиб, бир-бирига қўшилганлиги сабабли аралашма сув кўринишида бўлади.