ТЕКТОНИЧЕСКАЯ РАССЛОЁННОСТ ЛИТОСФЕРЫ — Литосферанинг тектоник қатланиши

ТЕКТОНИЧЕСКАЯ РАССЛОЁННОСТЬ ЛИТОСФЕРЫ — Литосферанинг тектоник қатланиши

1. Ю.М.Пущаровский (1987) фикрича, геотектоник концепция бўлиб, унга мувофиқ турли реологик хосса ва даражага эга бўлган структурали қатламланишлар бўйича литосфера ичида бир-биридан фарқланувчи юзалар ажратилади. Қатланиш таркибини вертикал йўналишда турли-туманлиги литосфера массасини қатланиш бўйича ҳаракатланишига олиб келади. Тезлиги бўйича бир-биридан кескин фарқ қиладиган айрим литопластиналар мустақил морфоструктура элементларини ҳосил қилади. Литосферанинг қатланиши плиталарнинг конвергент чегараларида, айниқса коллизия (қарама-қарши тўқнашув) шароитларида яққол ифодаланади, шунингдек, плитаичи майдонларида ҳам учрайди. Қатланиш юзаси сифатида: чўкинди ва вулкан-чўкинди қопламалар ичидаги турли компонентли қатлар чегаралари, қоплама — пойдевор чегараси, Конрад юзаси, Мох чегараси, юқори мантиядаги қатланиш юзаси ажратилади (А.В.Пейве ва б.,1987, С.Д.Соколов, 1990). Л.т.қ.нинг айрим қоидаларидан фойдаланиб континентлар тўқнашувидан ҳосил бўладиган тектоник ғижимланиш механизми ва плиталарнинг икки ярусли тектоникаси концепцияси ишлаб чиқилди.