SKLADCHATOST POKROVNAYA — Qoplama burmalanish
СКЛАДЧАТОСТ ПОКРОВНАЯ — Қоплама бурмаланишСКЛАДЧАТОСТЬ ПОКРОВНАЯ — Қоплама бурмаланиш
- бундай бурмаланишлар ичида регионал сиқилишдан ҳосил бўлган бурмалар кенг тарқалган. Горизонтал йўналган кучлар таъсирида турли қатлардан тузилган қалин қатламлар бўйлама йўналишда эгилиб букилади. Бундай турдаги бурмалар авваллари ер пўстининг геосинклиналь режимда ривожланиш маҳсули деб қараларди. Лекин, бундай турдаги бурмаланишлар платформаларнинг чекка қисмларида ҳам учрайди (Шимоли-Ғарбий Африкадаги Атлас тоғи, Тиман-Печора областидаги тепаликлар ва б.). Регионал сиқилишдан ҳосил бўлган бурмалар чизиқсимон жойлашиши, йўналиши ҳамда бурма ўқи юзаси қиялигининг изчиллиги билан ажралиб туради. Масалан, Урал, Тянь-Шань, Кавказ, Верхоян бурмаланиш мажмуалари. Бурмаланишнинг бундай тури альп туридаги бурмаланиш деб ҳам аталади. Антиклиналь ва синклиналлар тарқалиш майдонини ва шаклининг бир хиллиги, йўналишининг мослиги, бурма ўқи юзасини бир томонга қияланганлиги сиқувчи кучларнинг горизонтал йўналишда бурма ўқига кўндаланг ҳолатдаги таъсиридан дарак беради.