СКЛАДЧАТОСТЬ ЭКЗОГЕННАЯ — Экзоген бурмаланиш

СКЛАДЧАТОСТЬ ЭКЗОГЕННАЯ — Экзоген бурмаланиш

1. турли экзоген жараёнлар таъсирида ер юзига яқин жойларда ҳосил бўлган бурмалар. Табиатда улар кенг тарқалган, кўпинча эндоген бурмалардан ажратиб бўлмайди. Айрим экзоген бурмаларда нефть ва газ уюмлари учрайди. Э.б. таркибига сув ости — кўчки бурмалари, чўкинди қамрама бурмалари, зичланиш бурмалари, бўкиш бурмалари, чўкиш бурмалари, бўртиш бурмалари, гляциодислокация бурмалари киради. Сув ости — кўчки бурмалари сув ҳавзаси тубидаги чўкиндиларнинг кўчишидан юзага келади, турли-туман гижимланиш дўнгликлари, спиралсимон буралган линза, ағдарилган майда ва ётиқ бурмачалар, тилсимон ва тартибсиз жойлашган оқмалар кўринишига эга. Бундай ҳодисалар сув ҳавзалари тубининг қия жойларида тўпланган чўкиндиларнинг кўчишидан ҳосил бўлади. Қиялик 30° дан ошганда, айниқса, унинг тик участкаларида, масалан, денгиз ва океанларнинг континентал ёнбағридан чўкиндиларнинг асоси билан узилиб, бир неча ўн км масофага силжиши кузатилади.