Skald (skand. ckald — shoir, kuychi soʻzidan)
Скалд (сканд. ккалд — шоир, куйчи сўзидан)Скальд (сканд. ckald — шоир, куйчи сўзидан)
- скальд. Скандинавияда халқ қўшиқчиси. Скандинавия мамлакатлари — Швеция, Дания, Норвегия ва Исландияда X—XII асрларда скальдлар поэзияси гуллаб-яшнади. Бу мамлакатларда дружина қўшиқчиларини скальдлар деб атаганлар. Скальдлар поэзияси қаҳрамонлик эпоси заминида пайдо бўлгани учун улар князлар дружиналарининг ҳарбий юришларини мадҳ этганлар. X асрда дастлаб Исландияда юзага келган скальдлар поэзияси халқ оғзаки эпик ижоди традицияларини сақлаб қолишда муҳим роль ўйнади. Лирик-эпик характердаги скальдлар поэзияси кейинча ҳарбий аристократия дидига мосланган мураккаб санъатга айланиб кетди. Чинакам скальдлар поэзияси XII—XIII асрларда инқирозга учради. XII—XV асрларда эса скальдлар деб сарой шоирларини атаганлар.