Система образов

Система образов

1. — образлар системаси. Бадиий асардаги бир-бири билан боғланган образлар гуруҳи. Образлар гуруҳи деганда фақат кишилар образи тушунилмай, балки рамзий образлар: осмон, булут, юлдуз, баҳор кабилар ҳам англашилади. Образлар системасини фақат яхлит бир асардагина эмас, балки бирор шоир ё ёзувчи ижодига мансуб бир қанча асарларда ҳам учратиш мумкин. Масалан: Наташа Ростова, Анна Каренина, Андрей Болконский, Ҳожимурот, Л. Толстой яратган образлар системасидир. Бу образлар бир ижодкор қаламига мансублиги билан образлар гуруҳини ташкил қилади. Рус шоири С. Есенин ижодига назар ташласак, ўрмон, қайин, буғдойзорлар образи системасини кўриш ва улар орқали Россия табиати, шоирнинг ватани билан танишиш мумкин. Бирор ёзувчи ёки шоир ижодига мансуб асарлардаги образлар гуруҳи моҳиятига кўра, янада кичикроқ гуруҳларга — ижобий образлар ва салбий образлар гуруҳига бўлинади. Масалан, Ҳамзанинг «Бой ила хизматчи» драмасидаги Ғофир, Жамила — ижобий образлар гуруҳи; Солиҳбой, Қодирқул — салбий образлар гуруҳига мисол бўла олади.