Психология терминларининг изоҳли луғати
-
(юнон. sineistesus — биргаликда сезиш) синестезия; муайян қўзғовчининг маълум бир сезги органига таъсир қилиб, фақат шу сезги органи учун хос бўлган сезгинигина эмас, балки бошқа сезги органи учун хос бўлган қўшимча сезги ёки тасаввурни ҳам ҳосил қилишидан иборат ҳодиса. Бундай қўшимча ҳосил бўлган сезгилар ва тасаввурлар кўрув, эшитув, ҳид ва бошқа соҳаларга хосдир. С. нинг кўпроқ тарқалган формаси рангдор эшитиш, яъни маълум бир музика товушини сезиш билан бирга, шунга монанд бўлган кўрув тасаввурининг (муайян рангнинг) ҳосил бўлишидир. С. ҳодисаси физиологик жиҳатдан анализаторларнинг ҳаддан ташқари кучли ўзаро таъсир этишидир. С. ҳодисаси, мас., композиторлар Н. А. Римский-Корсаков ва А. Н. Скрябинларда учраган.
Мақоладаги хато ҳақида хабар бериш
