SHTANGOVIY SKVAJINNIY NASOS — Shtangali quduq nasosi

ШТАНГОВЫЙ СКВАЖИННЫЙ НАСОС — Штангали қудуқ насоси

1. нефть олиш қудуқларидан сувланганлиги 99% гача, температураси 130° С дан, водород сульфиди 50 г/л дан, сувнинг минералланганлиги 10 г/л дан ортиқ бўлмаган суюқликларни тортиб чиқарадиган мослама. Насосларни ташқи ёки қувурли ва суқма турлари мавжуд. Ташқи ёки қувурли насосларда цилиндр қудуқ насос қувурларида плунжерсиз туширилади. Плунжер эса насоснинг штангасида алоҳида туширилади. Ташқи насосни алмаштириш ёки таъмирлашда аввал охирида осилиб турган плунжерли штангалар, сўнгра цилиндрли насос қувурлари ташқарига чиқарилади (Ш.1-расм). Суқма насосларда цилиндр плунжер ва тўсқичлар билан йиғилиб штангаларда туширилади. Бунда насос қувурлари охирига аввал махсус ўтказувчи мослама-таянч қулф ўрнатилади, сўнг унга насос ўтказилади ва зичлантирилади. Суқма насосни таъмирлашда фақат штангалар билан бирга насос ҳам чиқариб олинади.