Нефт ва газ саноати изоҳли луғати
русча
-
1 м чуқурликка бурғилаш ёки тугалланган қудуқ қурилиши таннархини ифодалайди. Қудуқ қурилишининг техник-иқтисодий кўрсаткичлари унинг бирламчи ҳужжатлари орқали аниқланади. Бирламчи ҳужжатларга бурғилаш журнали, оғирлик индикатори ва бошқа ўлчов-назорат асбоблари диаграммалари, сутка ва ой давомида бажарилган ишлар ёзувлари ва ш.к. киради. Қудуқ қурилишидан аввал техник лойиҳа тузилади. У қудуқлар гуруҳи ёки ҳар бир қудуқ учун алоҳида тузилиши мумкин. Техник лойиҳада табиий омиллар ва ишни бажариш шароитларига тавсиф берилади, бажариладиган ишларнинг техник-иқтисодий асослари махсус меъёрий ҳужжатлар ёрдамида белгиланади. Техник лойиҳанинг таркибий қисмига бажариладиган ишлар нархини белгиловчи смета киради. Унга қудуқ қазишнинг асосий ҳужжати — геологик-техник наряд илова қилинади. Унда қудуқ тартиби, бурғилаш мақсади, чуқурлиги, қудуқ қазишга кетадиган вақт, бурғилашнинг коммерция тезлиги кўрсатилади. Наряд геологик ва техник қисмлардан иборат. Геологик қисмида қудуқнинг стратиграфик ва литологик кесими, жинс қаттиқлиги, қудуқ конструкцияси, қудуқ координати, қудуқ танаси кесмаси ва проекцияси, бурғилашда мураккабликлар келиб чиқиши мумкин бўлган оралиқлар ва ҳ.к. кўрсатилади. Техник қисмида эса бурғилаш режими ва бурғилаш эритмаси параметрлари, долото ўлчами, эритмага ишлов бериладиган оралиқлар, тал системаси ва МҚБ жиҳозлари, БҚБни тушириш тезлиги, тампонаж эритмаси тавсифи ва қудуқни мустаҳкамлаш технологияси берилади. Илғор усуллар қўллаб бурғилаш натижалари умумийлаштириб инструктив-технологик харита тузилади. У уч қисмдан иборат бўлиб, унда бурғилаш режими, йўриқнома ва ишни бажаришга сарфланадиган вақт кўрсатилади. Бурғилаш режими қисмида долото ўлчами, БҚТҚнинг тузилиши, бурғилаш режими ва бурғилаш эритмаси параметрлари берилади. Йўриқнома қисмида янги техникадан ва техника воситаларидан фойдаланиш, бурғилашнинг энг мақбул технологияси кўрсатилади. Учинчи қисмда асосий ишларни бажаришга сарфланадиган вақтнинг лойиҳа ва амалдаги қийматлари солиштирилади.
Мақоладаги хато ҳақида хабар бериш
