Neft va gaz sanoati izohli lugʻati
-
Гейгер-Мюллер счетчиги — инерт газ ва юқори молекуляр бирикмалари буғи аралашмаси тўлдирилган шиша баллон ва унинг ичига жойлаштирилган икки электроддан иборат счетчик (ҳисоблагич). Баллоннинг ўртасидан ўтган юпқа (диаметри 0.1—0.5 мм) металл (вольфрам, темир ва ҳ.к.) сим, ток манбасининг мусбат қутбига уланади ва анод электроди деб аталади. Иккинчи электрод — катод ток манбаининг манфий қутбига уланади ва у баллоннинг ички металли сиртини ташкил этади. Гамма-нурлар счетчик катодидан электрон юлиб олади. Бу электрон анодга томон ҳаракатланиб, инерт газининг молекулаларини ионлаштиради. Манфий ионлар анодга томон ҳаракатланиб, ионлаштиришни тезлаштиради. Натижада анод электроди бўйлаб электрон оқими ҳосил бўлади. Ҳисоблагичда электродлар орасида зарядсиз (разряд)ланиш кузатилади. Разрядланиш туфайли счетчикнинг ток б-н таъминловчи занжирида ток импульси пайдо бўлади. Г.-М.с.дан геофизик асбобларда гамма-нурланиш жадаллигини ўлчашда фойдаланилади.
Metrologik izohli lugʻat
-
Гейгер-Мюллер ҳисоблагичи Зарранинг детектордан ўтишида юзага келадиган электр ток импульсининг қиймати зарра энергиясига боғлиқ бўлмаган ионловчи зарра ёки фотонларнинг ионли ҳисоблагичи. Geyger-Myuller hisoblagichi Zarraning detektordan o‘tishida yuzaga keladigan elektr tok impulsining qiymati zarra energiyasiga bog‘liq bo‘lmagan ionlovchi zarra yoki fotonlarning ionli hisoblagichi.
Maqoladagi xato haqida xabar berish
