Фавқулодда вазиятлар луғати
-
мутахассисларнинг руҳий ва психофизиологик сифатларини оптималлашга, ушбу сифатларни фавқулодда вазиятлар ўчоқларидаги фаолиятга мослаштиришга, уларда авария-қидирув ишлари бошланишидан аввал стрессни камайтирадиган, мутахассис соғлиғи ва касбий иш қобилиятининг бошланғич ҳолатини сақлаб қолишга ёрдам берадиган адекват, яъни айнан бир хил руҳий ҳолатни яратишга йўналтирилган психопрофилактика ва психокоррекция ишлари бўйича тадбирлар мажмуи. Қутқарувчиларда фавқулодда вазиятлар шароитида ҳаракатланишда руҳий ҳолатни бошқариш малакасини шакллантиришга, тез ички сафарбарлик қобилиятини ривожлантиришга; гуруҳ ичида ўзаро ҳамкорлик малакасини ишлаб чиқишга имкон беради. Фавқулодда вазиятлар ўчоқларида ишлашга тўғри келмаслигини кўрсатувчи жиддий психофизиологик белгилар намоён қилмаган шахсларга нисбатан ўтказилади. Р.т. нинг қуйидаги турлари ажратилади: умумий, махсус ва мақсадли. Р.т. олиб боришнинг шакллари: маърузалар ва семинар машғулотлари, қутқарувчилар билан якка суҳбатлар, руҳий тавсиялар, якка ва гуруҳ-гуруҳ бўлиб руҳий тренинглар ўтказиш.
Мақоладаги хато ҳақида хабар бериш
