РЕАГЕНТ ОКИСЛЁННЫЙ ЛИГНИН (НИТРОЛИГНИН)

РЕАГЕНТ ОКИСЛЁННЫЙ ЛИГНИН (НИТРОЛИГНИН)

1. Оксидланган лигнин (нитролигнин) реагенти — азот кислотаси ёки азот-олтингугурт аралашмаси (меланжи) таъсирида гидролизланган лигниннинг оксидланган маҳсулоти. Гидролизланган (мураккаб моддаларнинг сув таъсирида таркибий қисмларга ажралишидан ҳосил бўлган) лигнин — спирт-гидролизи чиқиндиси бўлиб, нитролигнин учун хомашё ҳисобланади. Ранги сариқ-қўнғир, таркибидаги сув миқдори 60% гача, кукун кўринишида ишлаб чиқарилади. Реагент ишқорли эритмаларда 10:1, 10:2, 10:3 нисбатларда яхши эрийди ва амалиётда 5% эритма ҳолида ишлатилади. Ишқорнинг 1,5% ли эритмасида реагент эрувчанлиги 65% дан кўп бўлиши керак. Нитролигнин рН=9,5÷10 бўлганда яхши самара беради; эритмани суюлтириш учун 0,2—0,5% қуруқ нитролигнин қўшилса кифоя. Оксидланган лигниндан ташқари, сульфатланган нитролигнин ва игетан реагентлари ҳам мавжуд. Биринчиси 14—18% ли сувда яхши эрийдиган, ишқорлилиги рН=7 бўлган қора рангли суюқлик. Иккинчиси қора рангли 50% намликка эга бўлган кукун модда. Гидролизланган лигниннинг азот кислотаси ва кальцийли сода билан қайта ишлаш орқали олинади. Эритмага 0,2—0,3% қўшилса яхши натижа беради. Игетан КМЦ, гипан ва крахмал билан ишлов берилган, кучли минераллашган эритмаларни яхши суюлтиради. О.л.р.дан бурғилаш чоғида эритмага доимо ишлов бериб туриш, БҚБни қудуққа тушириб-кўтаришда эритмани суюлтириш ва электрометрик ишларни бажаришда фойдаланиш тавсия этилади.