РАЗЪЕДИНИТЕЛИ

РАЗЪЕДИНИТЕЛИ

1. Ажратгичлар — МҚБни қисмларга ёки бурғилаш қувурлари ёрдамида МҚБнинг остки қисмини қудуққа туширишда қўлланилади. А. чап резьбали бўлиб, у бурғилаш қувурининг пастки қисмига ўрнатилади. Остки мустаҳкамлаш қувури туширилгандан сўнг бурғилаш қувури чап томонга бураб бўшатилади. Баъзан геологик шароити мураккаб бўлган чуқур қудуқларга ИҚБ икки-учга бўлиб бурғилаш қувурлари ўрнатилган А. ёрдамида туширилади. Чуқур қудуқларини мустаҳкамлаш қувурлари билан жиҳозлашда оралиқ қувурлари бирикмаси бошмоғини ёпиш зарур бўлади. Бунинг учун улар ичига узунлиги 1500—2000 м ли потай қувурлари бирикмаси туширилади. Қувурлар бирикмаси А. ўрнатилган бурғилаш қувурлари ёрдамида туширилади. Потай қувурлари бирикмасини туширишда фойдаланиладиган А. чап йўналишли, йирик одимли, трапециясимон, резьбали ниппель ва муфталардан таркиб топади. Ниппель А.нинг юқори учи ички ўнг қулфли резьбадан иборат бўлиб, унга БҚБнинг қулф ниппели бураб киргизилади. А. муфтасининг пастки учи ўнг йўналишли резьбага эга, унга юқоридаги МҚБ қувури бураб киргизилади. А. диаметри 184÷345 мм, узунлиги 705÷850 мм.