Нефт ва газ саноати изоҳли луғати
русча
-
Сувда газнинг эрувчанлиги — сув билан туташган газнинг унда эриш қобилияти. Нефть-газли ётқизиқлардаги сувларда углеводородлар яхши эрийди. Биргина эриган метан гази миқдори бошқа эриган ҳамма газлар миқдори йиғиндисидан кўп бўлади. Одатда, табиий газнинг сувда қандай миқдорда эриши газнинг таркибий қисмини сувда эришига боғлиқ. Умумий ҳолда табиий газларнинг сувда эришини қуйидаги тенгламалардан аниқлаш мумкин: $\text{N}_\text{i} = \frac{\text{n}_\text{i}}{\sum \text{n}_\text{i} + \text{n}_\text{c}}$; $\text{B}_\text{i} = \frac{\text{V}_\text{i}}{\text{G}}$; $\text{C}_\text{i} = \frac{\text{V}_\text{i}}{\text{V}_\text{c}}$, бунда $\text{N}_\text{i}$ — сувда эриган табиий газнинг моляр бирликдаги миқдори; $\text{n}_\text{i}$, $\text{n}_\text{c}$ — мос равишда i — компонентнинг сувдаги моляр миқдори ва сувнинг моляр миқдори; $\text{B}_\text{i}$ — сувда эриган газнинг бир бирлик массадаги миқдори; $\text{C}_\text{i}$ — сувда эриган газнинг бир бирлик ҳажмдаги миқдори; $\text{V}_\text{i}$ — оддий шароитга келтирилган газ компонентининг ҳажми; $\text{V}_\text{c}$ — сув ҳажми. Газни сувда эрувчанлиги температура ортиши билан аввалига бироз камаяди, лекин кейинчалик ортади. Агар сувда эриган тузлар бўлса, газнинг эриши қийинлашади. Табиий Г.с.э.га эриган тузлар таъсири Сеченов тенгламаси билан ифодаланади: $\text{N}_\text{i} = \text{N}_\text{o} \cdot 10^{-\alpha_\text{i} \text{n}}$, бунда: $\alpha_\text{i}$ — Сеченов коэффициенти. Бу коэффициент, эриган туз, газнинг i — компоненти сувда эришига таъсирини тавсифлайди, n — сувда эриган тузларнинг концентрацияси. Углеводород ва бошқа газларнинг мўътадил шароитларда ($29^\circ\text{С}$ ва атмосфера босимида) дистилланган сувларда эриш коэффициенти Р.1-жадвалда берилган (В.А.Соколов бўйича, 1956).
Мақоладаги хато ҳақида хабар бериш
