Нефт ва газ саноати изоҳли луғати
-
Бурғилаш эритмалари — қудуқ тубида бурғилаш ускунаси (долото, коронка ва б.)ни совутиш, жинсларнинг майдаланишини енгиллаштириш, майдаланган жинс зарралари (шлам)ни ер юзасига чиқариш, эритма айланиши тўхтатилганда зарраларни муаллақ сақланишини таъминлаш; қудуқда сув-, нефть- ва газ намоёнланишининг олдини олиш, қудуқ деворларига таъсир этадиган босим ҳосил қилиш, қудуқ деворини ўпирилишидан сақлаш ва унга физик-кимёвий таъсир этиш учун ишлатиладиган эритма. Ҳозирги вақтда фойдаланилаётган Б.э. икки синфга бўлинади: сув ва углеводородлар (нефть) асосида тайёрланадиган эритмалар. Сув асосида тайёрланадиган эритмалар кенг ишлатилади; нефть асосида тайёрланадиганлари эса қимматбаҳо ва мураккаб жараёнли бўлганлиги сабабли фақат сув асосидагиларидан фойдаланиб бўлмайдиган шароитларда қўлланилади (қ. Растворы на нефтяной основе). Сув энг оддий бурғилаш суюқлигидир. Зарбали бурғилашдан айланма бурғилаш усулига ўтишда сув бирламчи Б.э. вазифасини ўтайди. Сувнинг бошқа Б.э. га нисбатан бирқанча афзалликлари мавжуд: мас., турбобур ва долотанинг ишлаш тезлиги ошади, бурғилаш тезлашади, 1м ўтиш таннархи камаяди, Б.э. ни тайёрлашга сарфланадиган маблағ тежалади. Сув чуқурлиги кам (1500-1700 м), бўш ва юмшоқ жинслардан холи, аномал юқори
Мақоладаги хато ҳақида хабар бериш
