Neft va gaz sanoati izohli lugʻati
-
чўкинди карбонатли жинслар (оҳактош, доломит, мергель) ни сув билан бурғилашда ҳосил бўладиган эритма. Карбонатли жинслар сувда деярли эримайди, шу сабабли уларнинг асосий қисми системада қаттиқ дисперс фаза ҳосил қилади. Тинч ҳолатда карбонат зарралар тез чўкиб зич массани юзага келтиради, сув 12—17 минутда ундан сизиб чиқади. Беқарор карбонатли суспензияни барқарор системага (бошқариладиган хусусиятли дисперс системага) ўтишини йўқотиш учун эритмага сирт-фаол моддалар: ҳимояловчи коллоидлар ва фаол қўшимчалар — электролитлар қўшилади. Эритмани барқарор турғинлигини сақлаш мақсадида бундай қўшимчалардан қуйидаги миқдорда қўшилади: 1. Чучук сувли ва кучсиз минераллашган сувли карбонат суспензиялар (хлорли натрий 5% гача) — оҳактош, доломит, мергель; а) кўмир-ишқорли реагент (13:1) — 15—25%; б) шу миқдордаги кўмир ишқорли реагент ва 0,5—1% суюқ шиша. Суюқ шиша эритмани структуравий-механик кўрсаткичларини яхшилаш зарур бўлганда қўшилади; в) сланец смоласини сульфат натрийли тузлари (СНТ) — 1,5—2,5% (чучук сувли суспензияларда); г) СНТ — 1,5—2,5% ва 0,5—1,0% крахмал (кучсиз) минераллашган суспензияларда); д) КМЦ — 1,5—2,0%. 2. Минераллашган сувли суспензиялар (10—20% хлорли натрий): а) ССБ — 1,5—2,0%, крахмал 1,0—1,5%; б) КМЦ — 1,0—2,0% ва ССБ — 1,0—2,0%, крахмал — 1,0—1,5% ва КМЦ — 1,5—2,0%. Карбонатли суспензияларга ушбу реагентлар билан ишлов берилганда бурғилаш жараёнида қудуқда зичлиги 1,2—1,3 г/см³, қовушқоқлиги 16—20, 20—23 с ва сув берувчанлиги 30 минутда 8—3 см³ бўлган карбонатли эритма ҳосил бўлади.
Maqoladagi xato haqida xabar berish
