Neft va gaz sanoati izohli lugʻati
-
таркибига газ компонентлари қўшилган бурғилаш эритмалари. Эритмани газлаш механик йўл билан — эритмани ҳавога тўйинтириш ёки кимёвий йўл билан — эритмага майда пуфакчалар кўринишидаги ҳаво қўшилган СФМ билан ишлов бериш амалга оширилади. Кимёвий Г.б.э. оддий Г.б.э.дан барқарорлиги, яхши қобиқ ҳосил қилиш ва гиллаш хусусиятлари билан фарқланади. Бундай эритмаларни тайёрлаш учун гил кукун, сирт-фаол моддалар (0,1—0,2%), структура ҳосил қилувчи реагентлардан (каустик сода-ўювчи натрий 0,1—0,2% ёки кальцийланган сода 0,5—2,5%) фойдаланилади. Г.б.э. оддий бурғилаш эритмалари билан қудуқни тозалаш учун ишлатиладиган газсимон омиллар оралиғида туради. Улардан суюқлик ютувчи қатламларни бурғилашда фойдаланилади. Қудуқ тубида гидростатик босимнинг камайиши ҳисобига бурғилаш тезлиги ва долото чидамлилиги ошади, маҳсулдор қатламни ўзлаштириш яхшиланади.
Maqoladagi xato haqida xabar berish
