Neft va gaz sanoati izohli lugʻati
-
Табиий аргиллитли эритмалар — қалин аргиллит қатламларини бурғилашда қўлланиладиган эритма. Т.а.э.ни чуқур қудуқлар қазишда қўллаш аҳамият касб этади. Улардан қудуқ деворидаги гил ва аргиллитларни қулашдан сақлаш, турбобур ва долоталарнинг иш шароитини яхшилаш, БҚБни сиқилиб қолишдан асраш мақсадида фойдаланилади. Эритмадаги аргиллит заррачаларининг дисперслик даражасини ошириш билан барқарор суспензия ҳосил қилиш мумкин бўлади, бу билан эритмани сув берувчанлиги камаяди, қовушқоқлиги ошади. Беқарор чучук сувли Т.а.э.га бурғилаш чоғида УШР (10—20%), крахмал реагенти (1,5—2%), КМЦ (1,5—2%) билан ишлов берилади. Минераллашган суспензияларга эса ССБ (1—2%), крахмал (0,5—1,5%), КМЦ (1—2%), РС—2, СЦ ва ЭТСЦ (1—2%) билан ишлов берилади. Аргиллитли ва бошқа гилсиз эритмаларга бўр, карбонат ва сульфатли жинслар қўшиб оғирлаштириш мумкин.
Maqoladagi xato haqida xabar berish
