Neft va gaz sanoati izohli lugʻati
-
Қудуқ кесимини ажратиш — қудуқни бурғилаш чоғида геологик ва кон-геофизикаси тадқиқотлари натижаларидан фойдаланиб, унинг кесимини турли литологик таркибли оралиқларга ва қатлам-коллекторларга ажратиш. Бунда қудуқ кесимининг маҳсулдор қисми, горизонт, қатлам ва қатчаларнинг литологик ва стратиграфик чегаралари аниқланади. Шунингдек, қатлам-коллекторлар, ноколлекторлар ва улар оралиғидаги ўтказмайдиган қатламлар ажратилади. Қудуқ кесимини ажратиш натижалари литологик колонка кўринишида берилади. Коллектор ва ноколлекторларни ажратиш қатламнинг муҳим параметрларидан бири ҳисобланади ва захираларни ҳисоблашда, шунингдек, уюмларни самарали ишлатишни таъминлашда муҳим роль ўйнайди.
Maqoladagi xato haqida xabar berish
