пролог — луғат мақоласи

Изоҳли луғат

пролог

1. Театрда спектакл бошланиши олдидан ижро этиладиган кўриниш, саҳна.

2. зид. Адабий-бадиий асарларда асосий баёндан олдин келадиган воқеаларни тасвир-ловчи ёки уларни тушунтирувчи муқаддима қисми; эпилог.

пролог

н адаб.театр. prologue

Пролог

(гр. pro — олд, аввал, logos — сўз ибораларидан) — пролог. 1. Адабий асардаги муқаддиманинг бир тури бўлиб, унда автор нияти, асарнинг қисқача мазмуни баён этилади. 2. Қадимги грек трагедиясида томоша бошланиши олдидан актёр томонидан қилинадиган мурожаат, кириш сўз ёки пьесанинг асосий воқеаларига тайёргарлик кўрувчи саҳна кўриниши. 3. Қадимги рус адабиётида кундалик календарь шаклида тузилган насиҳатнома ва ахлоқий-тарбиявий ҳикоялар тўплами.

PROLOG

Сунъий тафаккур масалаларида фойдаланиладиган юқори поғонадаги дастурлаш тили. “Мантиқ тушунчаларида дастурлаш” тили, PROLOG (PROgramming LOGic) мантиқий фикрлардан ва қоидалар мажмуасидан иборат. Фикрлар шартлардан (предикатлардан), боғланмалардан, доимийлардан иборат бўлиб, маълумотлар базасини ташкил қилади. Тилнинг асосий элементи - “атом” деб номланган элемент, у айрим объектлар орасидаги муносабатларни ифодалайди. PROLOG тили ёрдамида дастурчи бевосита тушунчалар орасидаги мантиқий алоқалар билан иш тутади.