ПЛОТНОСТЬ ПЛАСТОВОЙ НЕФТИ

ПЛОТНОСТЬ ПЛАСТОВОЙ НЕФТИ

1. Қатлам нефти зичлиги — қатлам шароити сақланган ҳолда ер қаъридан олинган нефтнинг ҳажм бирлигидаги массаси (г/см³). Одатда, Қ.н.з. газсизланган нефть зичлигидан 1,2—1,8 марта кам, чунки қатлам шароитида эриган газ ҳисобига унинг ҳажми кўпаяди. Зичлиги 0,3—0,4 г/см³ ли қатлам нефтлари маълум, шунингдек 1г/см³ га ҳам етиши мумкин. Зичлиги 0,850 г/см³ бўлганда — нефть енгил, ундан ортиқ бўлганда — оғир нефть ҳисобланади. Зичлиги 1 г/см³ дан юқори бўлган нефтлар мальта деб номланади. Қатлам нефти ва нефть маҳсулотлари зичлиги 20°С температурада аниқланади ва 4°С температурадаги дистилланган сув зичлигига солиштирилади (нисбий зичлик $\rho^{20}_4$). Қ.н.з.: $\rho_\text{к} = (\rho_\text{сеп} + \frac{1}{2} \text{Gp}_\text{н})/\text{b}$, бунда $\rho_\text{к}$ ва $\rho_\text{сеп}$ — қатлам ва ажратилган нефть зичлиги, кг/м³; G — қатлам нефтида эриган газнинг ҳажмий миқдори, м³/м³; $\rho_\text{н}$ — газнинг нисбий зичлиги; b — қатлам нефтининг ҳажмий коэффициенти. Қ.н.з. пикнометрда, Вестфаль тарозисида ва ареометрда ўлчанади. Агар зичлик ареометрда ўлчанса, унда бир вақтда нефть намунасининг температураси ҳам аниқланади. Агар нефть температураси 20°С дан фарқланса, у ҳолда тузатишлар киритилади (П.4-жадвал).