PEZOPROVODNOST — Pezooʻtkazuvchanlik

ПЬЕЗОПРОВОДНОСТЬ — Пьезоўтказувчанлик

1. — сувли ва нефть-газли қатламларнинг босим узатиш қобилияти. Бундай қатламларнинг бирон нуқтасидаги босимнинг ўзгариши қатлам бўйлаб аста-секин тарқалади, сўнгра маълум вақт ичида (одатда, бирнеча ой давомида) қатламда босимнинг қайта тақсимланиши кузатилади. Босимнинг ўзгариши қатламга таъсир бўлаётган (мас., қудуқдан сув тортиб чиқарилаётган ёки қудуққа сув ҳайдалаётган) жойларда тез содир бўлади. Қатлам бўйлаб босим ўзгариши тарқалиш тезлиги П. коэффициенти билан тавсифланади ва қуйидаги формула ёрдамида аниқланади: 1. Нефть қатламлари учун: $a = \frac{K_y}{\mu(n\beta_c + \beta_ж)}$ бунда $a$ — П. коэффициенти, см²/сутка; $K_y$ — ўтказувчанлик коэффициенти; $\mu$ — суюқлик қовушқоқлиги, сПз; $n$ — ғоваклилик коэффициенти; $\beta_c$ — суюқликнинг сиқилиш коэффициенти, 1/(кгс/см²); $\beta_ж$ — жинснинг сиқилиш коэффициенти, 1/(кгс/см²). Одатда $(n\beta_c + \beta_ж)$ ифодани $\beta$ билан алмаштириб, юқоридаги формулани қуйидагича ёзамиз: $a = \frac{K_y}{\mu\beta}$, бунда $\beta$ — қатламнинг таранглик сиғими коэффициенти, 1/(кгс/см²). 2. Сувли қатламлар учун (чучук сувлар билан боғлиқ, $\mu=1$ бўлганда): $a = \frac{K}{n\beta_c + \beta_ж} = \frac{K}{\beta}$, бунда $a$ — П. коэффициенти, м²/сутка; $K$ — сизиш коэффициенти, м/сутка; $n$ — ғоваклилик коэффициенти; $\beta_c$ — сувнинг сиқилиш коэффициенти, 1/м; $\beta_ж$ — жинснинг сиқилиш коэффициенти, 1/м; $\beta$ — сувли қатламнинг таранглик сиғими коэффициенти, 1/(кгс/см²). Нефтнинг сиқилиш коэффициенти унинг таркибига, босимига, температурасига ва унда эриган газ миқдорига кўра қуйидагича ўзгаради: $\beta_н = (7 \div 150) \cdot 10^{-5}$ 1/(кгс/см²). Сувнинг сиқилиш коэффициенти унда эриган газ миқдорининг кўпайиши билан ошади, минераллашганлигини кўпайиши билан пасаяди: $\beta_с = (2,7 \div 5) \cdot 10^{-5}$ 1/(кгс/см²). Жинснинг сиқилиш коэффициенти: $\beta_ж = (0,3 \div 1,7) \cdot 10^{-5}$ 1/(кгс/см²).