Нефт ва газ саноати изоҳли луғати
русча
-
Ярим емирилиш даври — радионуклиднинг бошланғич атомлар сонининг ярмигача камайишига кетган вақт. Я.е.д. элементлардан фтор F изотопи учун 12 секунд, натрий Na изотопи учун 14,87 соатга тенг. Я.е.д.га қараб геофизик ишларда изотопларни аниқлаш усуллари турлича. Я.е.д. кичик бўлса, таъсирланган фаоллик усули диаграммалари узлуксиз равишда ёзилади. Я.е.д. катта (мас., натрийникига ўхшаш) бўлса, диаграммаларни ҳар бир нуқтада, зондни тўхтатиб қўйиб, нуқтани нурлатиб 3—4 соатдан кейин ёзилади. Изотопларнинг Я.е.д.ни ўрганишга асосланган геофизик усуллардан нефть ва газ қудуқларида нефть ва сув чегараларини аниқлаб, конни ишлатишда чегараларнинг силжишини текширишда фойдаланилади.
Мақоладаги хато ҳақида хабар бериш
