ПЕРФОРАЦИЯ СКВАЖИН ГИДРОПЕСКОСТРУЙНАЯ — Қудуқни сув-қум оқимида тешиш

ПЕРФОРАЦИЯ СКВАЖИН ГИДРОПЕСКОСТРУЙНАЯ — Қудуқни сув-қум оқимида тешиш

1. бурғ қудуғидаги ИҚБда, цемент тоши ва тоғ жинсида тешиклар очиш. Қатламдаги суюқлик шу тешиклар орқали қудуқ танасига оқиб киради. Қ.с.-қ.о.т.да махсус тешгич учликларидан фойдаланилади, ундан катта тезликда оқиб чиқаётган қумли-суюқлик жинс қатламларида ва қувурларда тешик очади. Қ.с.-қ.о.т.да МҚБда ҳосил қилинган тешиклар диаметри 12—20 мм, каналлар чуқурлиги эса тешишларнинг бошқа турларига нисбатан бир неча марта катта. Бунда қувурлар бирикмаси орқасидаги цемент ҳалқаси бузилмайди. Қ.с.-қ.о.т. янги ковланган ва ишлаётган, шунингдек, нефтли қатламларга яқин жойлашган қудуқларнинг ишлаб чиқариш самарасини ошириш учун бажарилади. Асосий хомашё ишчи суюқлик ва қум ҳисобланади. Ишчи суюқликлар унчалик қиммат бўлмай маҳсулдор қатламнинг коллекторлик хусусиятларини ёмонлаштирмаслиги керак. Ишчи суюқлик газсизлантирилган нефть (чиқариб олувчи қудуқларда), техник сув (сув ҳайдалаётган қудуқларда) ва сирт-фаол моддалари билан хлорид аралашмасидан тайёрланади. Абразив материал сифатида зарраларнинг катталиги 0,2 дан 2 мм гача бўлган қум ишлатилади. Қумнинг таркибидаги кварц зарраларининг миқдори 50% ни ташкил этади. Қ.с.-қ.о.т. махсус қурилмалар — гидротешгичлар ёрдамида бажарилади. Гидротешгичлар учликлари (сопласи) жуда қаттиқ қотишма (Вкв)дан тайёрланади. Қ.с.-қ.о.т, шунингдек, қуйидаги махсус ишларни қудуқларда бажариш учун ишлатилади: 1) қатламларни гидравлик ажратишдан аввал қатлам босимини камайишини таъминлаш ва маълум йўналиш бўйича дарзликлар ҳосил қилиш; 2) МҚБни ва ҳайдаш қувурларини тешиш.