ОСНОВАНИЕ БУРОВОЙ УСТАНОВКИ

ОСНОВАНИЕ БУРОВОЙ УСТАНОВКИ

1. — Бурғилаш қурилмасининг асоси — бурғилаш ускуналарини мустаҳкам ўрнатиш ва турғунлигини сақлаш мақсадида қуриладиган пойдевор. Нефть ва газ учун бурғилашда катта оғирлик ва қиёфага эга бўлган ускуналар ўрнатилади. Уларнинг ҳар бирини пойдеворга алоҳида-алоҳида ўрнатиш кўп вақт ва материал талаб қилади, шу сабабли уларни гуруҳлаб умумий пойдеворга жойлаштириш мақсадга мувофиқ ҳисобланади. Бурғилаш қурилмасини ўрнатиш усулига кўра кичик блокли ва йирик блокли қурилиш турлари ажратилади. Кичик блокли усулда ускуналар чана туридаги умумий металл асосга ўрнатилади. Бурғилаш шароитига кўра қурилма 12-20 блокка бўлиниши мумкин. Бурғилаш қурилмаларини йирик блокли пойдевор устига ўрнатиш илғор усуллардан ҳисобланади. Бунда ҳамма ускуналар икки-тўрт йирик блокли пойдеворга ўрнатилади ва оғир юк тортувчи транспорт воситасида бир жойдан иккинчисига кўчирилади. Мас., Уралмаш—6Э қурилмаси (минора баландлиги 41 м) «Гипронефтмаш» институтида ишлаб чиқилган йирик блокли пойдеворга ўрнатилади. У уч қўзғалувчан асосга: минорали, агрегатли ва насосли гуруҳларга эга.