ОКРАИНЫ ТРАНСФОРМНЫЕ — Трансформ чеккалар

ОКРАИНЫ ТРАНСФОРМНЫЕ — Трансформ чеккалар

1. кам тарқалган ва соф ҳолда учрамайдиган континентал чеккалар. Икки кичик турга бўлиш мумкин: трансформ дивергент чеккалар ва трансформ конвергент чеккалар. Замонавий трансформ дивергент чеккалар Африканинг Атлантика чеккасидаги Гвинея кўрфазининг шимолий қирғоқларида учрайди. Бу жойда Т.ч.нинг ўзига хос хусусиятлари намоёнланган: тор шельф, тор ва жуда тик континентал ёнбағирнинг мавжудлиги, унинг асоси билан қитъа ва океан пўсти оралиғидаги кескин тектоник чегаранинг мос келиши, улар оралиғида ўтиш пўсти (зонаси)нинг бўлмаслиги, континентал этакнинг кучсиз ривожланганлиги ва ҳ.к. Қитъа — океан чегарасидаги ёриқ бўйлаб вертикал ташлама узилмалар, горизонталь силжимали силжишлар кузатилади. Трансформ конвергент чеккалар Шимолий Американинг Тинч океан чеккаси — шимолда Канада қаршисида ва жануби-шарқий Аляскада учрайди. Бундай кўринишдаги чеккалар Королева Шарлотта архипелаги бўйлаб юзага келган силжимадан барпо бўлган. Бу турдаги чеккалар кулчасимон жойлашган ва плиоцен-тўртламчи ётқизиқлардан тузилган чўкинди ҳавзаларининг кенгайишидан ҳосил бўлади.