ОКРАИНЫ ТИХООКЕАНСКОГО ТИПА АКТИВНЫЕ

ОКРАИНЫ ТИХООКЕАНСКОГО ТИПА АКТИВНЫЕ

1. Тинч океан туридаги фаол чеккалар — мураккаб тузилишли ва ўзига хос ривожланишга эга бўлган чеккалар. Бундай зоналар фаол сейсмик ва магматик ҳамда бурмаланиш — сурилма деформациялари ва метаморфизм жараёнлари содир бўлиши билан ажралиб туради. Фаол чеккалар ушбу зоналар оралиғида жойлашган бўлиб, плиталар конвергенцияси зонаси ва сурилиш минтақалари ҳисобланади. Фаол чеккалар ичида икки: континент олди (ёки Шарқий Тинч океан) ва ороллар ёйи ёки (Ғарбий Тинч океан) тури ажратилади. Биринчи турдаги чеккалар геологик жиҳатдан нисбатан содда тузилган. Иккинчи турдагилари эса мураккаб тузилган бўлиб, чуқур сувли новдан (уни ўқи бўйлаб сурилиш зонасининг туби юқорига юзага чиққан бўлади) континентга ўтиш новнинг тик ёнбағри бўйича кузатилади. Бир вақтнинг ўзида бу жой континентал ёнбағир ва тор шельф ҳисобланади. Бу зонанинг кенглиги ўрта ҳисобда 200 км атрофида. Континент чеккаси вулкан плутон минтақаси кўтарилмасини ҳосил қилади. Замонавий фаол чеккаларга Жанубий Американинг Тинч океан чеккасини кўрсатиш мумкин, у бўйлаб баланд Анд тоғ тизмаси кўтарилиб туради, шу сабабли уни Анд туридаги фаол чеккалар деб ҳам аташади. Ороллар ёйи туридаги фаол чеккаларнинг қуйидаги элементлари ажратилади: 1) континентал чекка, тузи-