ОКРАИНЫ КОНТИНЕНТАЛЬНЫЕ

ОКРАИНЫ КОНТИНЕНТАЛЬНЫЕ

1. Континентал чеккалар — континентлардан олиб келинган чақиқ ёки терриген чўкиндилар тўпланадиган жой. К.ч.да жуда кўп миқдорда органик моддалар тўпланади, шу сабабли бу жойлар океаннинг маҳсулдор қисми ҳисобланади. Органик моддаларнинг катта қисми чақиқ жинслар ичида кўмилиб кетади. Қулай шароитлар юзага келганда миллион йиллар давомида органик моддалар нефтга айланиши мумкин. Масалан, Мексика кўрфази қирғоқларидаги қалин қатламларда нефть уюмлари очилган. Атлантика океани чеккаларида тўпланган чўкиндилар қалинлиги 10 км га яқин. Бу океанга тегишли океан ҳавзалари ёнбағри ва континентал этак майдони жуда кенг ва каттадир. Бунинг асосий сабаби қуйидагилардан иборат: 1) Атлантиканинг К.ч.и океан ҳосил бўлгунча континентларнинг қадимий сиртқи зоналари бўлган; 2) узоқ вақт тектоник ҳаракатлар таъсиридан ҳоли бўлган; 3) узоқ муддат чўкиш жараёнига дучор бўлган.